Исәнләшеп, йолдыз карлар әнә
Җирне кочып сәлам бирәләр.
Агачлар да ак күлмәкләр киеп,
Киләсеңме, кышкай, дияләр.
Чәнечкеле җилләр сөйкәлгәндә
Гөлләр чәчәк ата йөзләрдә.
Җилләр белөн ярышып йөгергәндә
Йолдыз булып яна күзләр дә.
Нинди рәхәт синдә, гүзәл дөнья.
Яз гөлләре назлый күңелне.
Кышкы җилләр саф нәзакәт белен
Очындыра күңел-күгемне.
Табигатьнең төрле күренешләрен
Гөлзар итеп тоя йөрәгем.
Тирән аңлыйм, гүзәллеккә
Гашыйк булып яшәү кирәген.

< =

артка

алга

= >

* бoлгар шрифтларын шунда табырсыз. * булгарские шрифты найдете здесь. * bolgarian fonts will find here